生日唱K 埋單拗數 Neway撒溪錢送客
[轉載/Youtube] 「撒啲溪錢，撒啲鹽，送客走！」開生日派對被人撒溪錢送客，氣難下。黃先生一行11人昨凌晨到旺角中心Neway卡拉OK，為太太搞生日會後，因賬單問題與職員發生爭拗，警員到場調停不果。Neway拒收錢表示要訴諸法庭追討，黃一方無癮離開之際，竟聽到職員嗌咪，要撒溪錢送客，眾人勃然大怒，聲言追究到底。黃與家人朋友等一行八人，前日傍晚6時半到旺角中心五樓Neway卡拉OK，為太太舉辦生日派對。其間職員推介一個價值2,500多元八人套餐：「職員話個套餐已免人頭費，送酒水。」其後再有三名朋友加入，至昨凌晨5時許，眾人盡興埋單，職員拿來一張4,600多元賬單，黃認為不合理與對方理論，他指職員耳語後，將價錢減至4,300元，他們不肯就範，職員再降價至4,080元。
但黃某查單後，發現賬單中有500元是後來三人的人頭費，部份叫了小食「甩單」仍計數，認為應再減去兩項不合理費用才對，但職員堅持要他們埋單，否則報警求助。「有個職員更聲稱，報咗警就唔係呢個價」。黃不滿Neway價錢一時一樣，雙方僵持個多小時無果，至清晨6時20分，黃報警求助。
Neway賬單糾紛示意圖
1〉黃先生一行八人唱K慶祝太太生日，點了八人套餐，其後另三名友人加入
2〉結賬時事主指賬單「貴咗」，與職員理論
3〉雙方爭持不下報警，Neway決定不收錢，改循民事追討
4〉其間有人走到房間開咪
5〉事主離開卡拉OK時，有人嗌咪說：「撒啲溪錢，撒啲鹽，送客走！」眾人感到憤怒
0 comments:
Post a Comment