[娛樂] 嫁億萬富老公 關心妍照格價

嫁億萬富老公　關心妍照格價(2011-11-12)
關心妍拍拖逛名店　慳老公荷包


[轉載/Youtube] 關心妍（Jade）同金融才俊老公楊長智結咗婚兩年，一直都好恩愛，前晚馮仁昭喺銅鑼灣撞到佢兩公婆拍拖逛名店，鬼咁sweet。
前晚Jade打扮得好靚，佢同老公喺商場睇完女裝再睇手袋，其間楊長智冇睇過男裝，亦冇離開老婆半步，十足十貼身保鑣。
新公司任生仔
Jade睇咗幾間女裝，不停將靚衫拼上身，但真正試上身嘅唔多，揀完一輪，最後只買咗兩件。兩公婆再去Chanel睇手袋，Jade睇中咗個藍色小手袋，老公即刻攞銀包出嚟畀錢，但Jade突然話唔買，睇嚟楊長智都好幸福，娶咗個慳家老婆。
Jade最近返咗去舊唱片公司星娛樂，公司好器重佢，幫佢喺下年一月中開個唱，又講明畀佢隨時生仔，演唱會仲任由佢玩。Jade覺得呢種尊重感覺好重要，所以好畀心機籌備個唱，仲地獄式減肥減咗十幾磅。