[科技] 5.3 Galaxy Note S Pen神來之筆

5.3 Galaxy Note　神來之筆( 2011-11-10 )
5.3"手機當畫板　練毛筆字


[轉載/Youtube] 三星出平板出到上晒癮！齋玩Galaxy Tab大軍嫌唔夠喉，連最新機王Galaxy Note，都配番個巨盡天下手機嘅5.3吋芒，唔單止踩界挑戰埋平板電腦，秘密武器S Pen，更可以畫畫寫字，有晒筆迹同粗幼，真係閒時可以攞嚟練毛筆字！ 記者：陳國輝 攝影：蔡家輝

壓力感應仿毛筆字
你話回歸傳統又好，甚至覺得佢搞爛Gag，今次Galaxy Note以S Pen之名配置呢支神奇畫筆，喺平板或手機界，絕對少見！若果只用嚟寫字，大家一定掟雞蛋，好彩佢都無令人失望。配合超大5.3吋巨芒，再強化咗文書處理功能，例如追加S Memo以及S Planner，前者隨你任意手寫文字或繪圖，甚至將筆迹轉化成文字，方便作為記錄；後者則把 S Memo的圖像或地圖等，直接加到日程表，將你個 Calender變成圖像化！
當然，文書工作呢類分唇，適用與否因人而異，但值得一讚係S Pen的操作手感，的確好似拎住一支真實嘅筆！最特別係S Pen支援壓力感應，例如落筆時嘅輕重與快慢力度，效果就好似寫書法咁，另外，你仲可以選擇筆頭粗幼、顏色等，自由度相當大。