全城熱話：雙喜臨門 BB腳頭好
[轉載/Youtube] 劉德華和老婆朱麗倩終於造人成功，他昨日宣佈老婆有喜的大喜訊，加上華仔又剛剛奪得金馬影帝，雙喜臨門可喜可賀。陳奕迅
正呀！恭喜晒！真係喜上加喜，希望大家畀啲空間佢太太。如果佢想同我分享湊仔心得就同我傾啦，不過我太太經驗豐富啲。
徐淑敏
恭喜，我覺得家科技要小朋友唔難，有小朋友的家庭一定會更加圓滿，希望佢開開心心快快樂樂！佢哋有個小朋友更幸福！
謝安琪
恭喜晒，BB一定好靚仔，我好想送一本最好嘅超級育嬰百科全書畀佢，真係好實用。同埋孕婦一定要小心身體，唔好冷親，因為陀BB時好熱成身汗，但點都要着衫。我自己當時就乜都食，搬屋嗰啲都做齊。
楊崢
我同劉德華合作過一次，佢好勤力做嘢，好專業藝人，係一位好好先生，佢攞到金馬影帝，我好戥佢開心，大家都好想佢生，畀咗好多壓力佢，無論佢屋企有咩喜事，好衷心戥佢開心。
容祖兒
睇到呢個消息好開心，正如佢所講雙喜臨門呀！我覺得華仔咁靚仔，一定會生個靚仔過華仔嘅仔，個鼻一定要勾，一生出嚟就勾，生個鷹鼻BB。
張敬軒
我今日喺微博見到呢個消息，真係雙喜臨門，攞完獎又做爸爸，華仔踏入人生更成功嘅階段。個BB真係幾好腳頭，一有咗爸爸就攞獎。
蔡卓妍
好開心，華仔係我心目中最佳好男人嘅典範，我會send message恭喜佢，恭喜埋佢攞影帝。
鍾欣桐
恭喜晒，今次可以話係雙喜臨門。
薛家燕
我喺網上見到佢話家中有喜事，如果攞影帝就唔算家中嘅事，所以家中有喜事一定係有BB，我戥佢好高興。今朝喺節目，我叫人一齊諗名，如果係仔就叫Andyson。我好戥佢高興，雙喜臨門，係時候有BB。
0 comments:
Post a Comment