[生活] LV 帶你遊香港 點心上位

LV帶你遊香港　點心上位 2011年11月16日
LV旅遊指南　首推港澳版


[轉載/Youtube] 《路易威登旅遊指南》香港澳門版首次面世，係《指南》在日本以外首個簡介 嘅 亞洲地區。大家唔使奇怪， LV 點解會出版呢本被譽為「時尚旅遊聖經」 嘅 指南，唔好忘記佢 哋 以旅行箱起家，而且傳說 喺 鐵達尼號沉沒多年後 嘅 勘探行動，打撈上 嚟 嘅 LV 皮箱竟然冇滲進海水，係正宗旅行專家，出版旅遊書名正言順。
《指南》有本地酒店、餐廳、酒吧、時裝、美容、商場、畫廊、景點郊遊等共 500 項推介。 LV 客戶大部份非富則貴，但咪以為指南只介紹奢侈酒店，或者去蘇富比買珠寶，其實除 咗 推介四季、半島等名店，連油麻地美都餐室、太子銀杏館都上榜，甚至包括北角渣華道街市熟食中心！對於頗為隱世 嘅 南灣餐廳，指南認為不容錯過，「雖然南灣餐廳在公廁屋頂，但不要因此敬而遠之」。元朗石崗 嘅 「農場鮮奶」都獲 LV 推介。