娜姐爆乳紫荊俠托煲犯險
[轉載/Youtube] 紫荊俠，是喜歡着緊身衫、形象性感的女俠，她在香港濟弱扶貧，又愛派錢派糧。而在娛樂圈中走性感路線、着緊身衫又好睇、又夠人氣的，非周秀娜莫屬，所以在電影中演紫荊俠一角，娜姐絕對是最適當人選。娜姐最近就以紫荊俠打扮托住飯煲兼拿着錢拍電影海報，非常有創意。周秀娜擺脫模之名，成功轉型，近年主攻電影，早前試過演沙灘排球女將，最近又在電影《紫荊俠》中扮性感慈善女俠紫荊俠，機會已在眼前，娜姐要好好捉緊，一直想做打女的她，決定瞓身演好這角色。
親身做危險動作
今次做紫荊俠，娜姐事前已做足準備工夫，日前她為電影拍攝海報時說：「我一直都好想做打女，今次可以做到真係好開心。我已經有心理準備會打得好勁，雖然劇本仲未收到，但係我預咗會有好多高難度動作，如果我可以做到我都會自己做，所以我之前已經開始練功夫，希望打得似模似樣。」
娜姐之前拍戲已經損手爛腳，今次做打女，又會試做危險動作，問娜姐會不會買重保險？她說：「呢個要問公司，不過我自己都有買。」拍攝海報時，娜姐要托着個很大的電飯煲和拿着大叠道具銀紙，但她身後是有工作人員協助的，所以都不算辛苦。
跟到足着貼身衫
娜姐之所以勝任做紫荊俠，皆因她擁有一副好身材，所以今次騷身材一定不少得，她說：「我哋今次係會跟足原著，件衫係會好貼身，所以我都要好fit。除咗件招牌女俠衫，我仲好期待其他衫係點，唔知會唔會都係好性感，我自己都好想睇吓。」
0 comments:
Post a Comment